Salam aleykum.
Yanıltmac folklor nümunələri içərisində geniş yayılmış janrlardan biridir.
Yanıltmaclarda əsas məqsəd dildə olan çətin sözləri yaxşı tələffüz etməyi bacarmaq,
söz ehtiyatını artırmaq, tez-tez danışmaq vərdişlərinə yiyələnməkdən ibarətdir.
Gərəkdir ki yanıltmacları sürətli templə deyəsən, həm də səlis tələffüz edəsən,
heç bir səhvə yol verməyəsən. Gəlin bu mövzuda hərəmiz bildiyimiz bir yanıltmac nümunəsi yazaq.
Beləliklə, bir neçəsini mən yazıram, sürətli templə tələffüz edin, görün səlis deməyi bacaracaqsınızmı?
Mollanı əmmamələməlimi, əmmamələməməlimi?
Üç-üç cücə, üç cüt cücə, üç cücə.
Acdım sac asdım, yadımdan çıxdı küllənməmiş asdım.
Göy cöngə, gömgöy cöngə, dümgöy cöngə.
Qatığı sarımsaqlasan da yemək olar, sarımsaqlamasan da.
Getdim gördüm bir dərədə iki kar, kor, kürkü yırtıq kirpi var. Dişi kar, kor, kürkü yırtıq kirpi erkək kar, kor kürkü yırtıq kirpinin kürkünü yamamaqdansa, erkək kar, kor, kürkü yırtıq kirpi dişi kar, kor, kürkü yırtıq kirpinin kürkünü yamayır.
Siz də bildiyiniz yanıltmaclardan əlavə edin